2. Infos von Vancouver Island Mai 15, 2008

Hellllllllo

Ond schoweder hani en pc gfunde… Ben momentan en Powell River ade Sunshine Coast ond morn ziets mech ond min Travellmate witer nach Texada Island. Di anschinend no groesseri Hippy-Insle. Ungalublech…

So esches dezue cho:

Vo Cumberland beni chum meh wegcho weli so fel Iladige a Parties, Uebernachtige, Unternaemige iglade worde ben. Han aber weg muesse wels jo no so fel anderi schoeni plaetz z entdecke get. Nachere raegeriche zit woni erfolgrich ueberstande han, beni denn en bamfield echli am omehange gsi. De Vierti tourist e dere saison, ond natuerlech de erscht metem zaelt. Esch total genial gsi met all de iheimische z diskutiere und jede het der sin privatservice apotte… Han fel entdeckt, ond ben fel gwanderet. Sogar de beruemt beruechtigte boesi ma vo bamfield het mer mol en viertelstuendigi autofahrt gae. Hani ersch nachaene erfahre, das er ned sone guete rueff het… Aber ich wuesst mer ja sowieso z haelfe…

Denn beni of Ucluelet ond Tofino ond at Long Beach em Pacific Rim National Park. Wunderschoen, aber zemli touristisch. Autostoepple esch emmer no zemli eifach. En Ucluelet hani aber denn en travelmate kenneglehrt, ond jetz semmer zaeme meteme buessli underwaegs. Das hani zwar ned so welle, aber maengisch chonts halt andersch als mer daenkt…

Baere hani metlerwile uebrigens scho vier stueck gse, ond no kene het mi agreffe. Ond ede letschte zwoei taeg haemmer au en hund gha wo eus of eusne hikes begleitet het.

So, jetz muessi weder use adi fruesch luft, ond t ferry of texada island verwuetsche. Schmecken, Riechen, Sehen, Fuehlen, Hoehren ist draussen viel schoenner und intensiver…

So bald wie moeglech werdi denn au weder mol es paar neui foetteli ufelade. Das duuret halt eifach zu lang, ond jetz hani woerkli ke lust meh of pc’s. Do osse gets fel meh interessants z entecke

1. News from Vancouver Island April 24, 2008

So, jetz hani au weder mol en Internet-Terminal gfunde. Ich han 2 wonderschoeni und abentuerrichi erschti woche of mim trip gha. Fel interessanti tier choene beobachte (otter, rehe, hirsche, schlangen, voegel, weisskopfadler, seeloewen, wahle, etc.)

A mim erschte campinspot hani, nacheme lustige, lange und gsangsriiche obe am campingfuer met ere gruppe vo 8 vancouverianer, de waeg zo mim zaelt fasch noeme gfunde, wel mi so fel luechtendi auge agluegt haend wo mini stirnlampe reflektiert het. Es send aber wahrschindli ales nome reh ond hirsche gsi ond kei baere… Han min baerespray aber immer griffbereit. Oder emu meistens denne natuerli ned…

Wer de film the beach kennt, de weiss oeppe wie dases do usgset. Total tropisch, ond doch ned fel raege. Han wohl grad zemli glueck, oder wie mini reiseguidin, wo mer hornby Isl. zeigt het, gseit het: eifach es guets karma… Ich weiss jo ned…

Agfange hets eso:

Mini hostmom het mech nach vancouver ond vo doet met de ferry nach salt spring island gfare ond mech doet ede wildniss usgsetzt. Ich han wonderschoeni plaetzli zom campe gfunde ond als hitchhiker (autostoeppler) esches bes jetz total eifach gsi vo A nach B zcho. Han no nie lang muesse warte, ond of hornby island esch au nome eis mol es auto a mer verbigfahre ohni mech metznae. Ond ich ben 7 taeg of dere Insle gsi ond han mindestens 3 fahrte pro tag gmacht… Hornby esch uebrigens t hippy island number 1. Ossert ich han en no hippigeri noni entdeckt… All luet send extrem fruendlech ond t insle esch wunderschoen. Oms p*t rauche chont mer of dere insle natuerli au ned… Uiuiui

Ich ben also vom suede vo vancouver island ade ostkueste en norde greist, ond momentan befindi mi emene hostel en cumberland. Do chani mini fotos speichere dasi weder platz han zom witerschuesse, en agnaemi duschi nae, t woesch waesche, etc.

Jetz luegi mol, was do so abgot ond ich mues mini fuess chli schohne vom fele omenandwandere ond extrem schwaere rucksack traege… Puuuuhh

Bis bald